News

DavNor, Bronze Awardee sa GSIS Seal of Protection Awards

Details

Published: Friday, 29 November 2024 11:15

Written by DavNor PICKMO (Mervin Jay Z. Suaybaguio)

Views: 19

Sa unang higayon, nakakuha ang Davao del Norte og Bronze Award sa gipahitabong Government Service Insurance System (GSIS) Seal of Protection Awards didto mismo sa GSIS Gymnasium, Pasay City, Nobyembre 28.

Pinaagi sa tulumanon nga "Pagpupugay sa mga Kaagapay ng GSIS," giila ang mga lokal nga panggamhanan nga takos mihatag og gibug-aton sa pagpasiguro sa mga kabtangan niini sama sa mga sakyanan ug uban pang ekipo.

Personal nga gidawat ni Governor Edwin "Kuya Gov" Jubahib ang nasampit nga pasidungog. Kauban niya ang iyang anak nga si Clarice Jubahib, kanhing Provincial Administrator Engr. Josie Jean Rabanoz, Acting Provincial Planning and Development Coordinator Engr. Ma. Hazel Zafra, ug Provincial Information Officer Dr. Mervin Jay Suaybaguio.

Samtang, giila sab ang dakong kontribusyon ni Provincial General Services Officer Engr. Jivelyn Co nga hugot nga nipatuman sa pagpasiguro sa mga kabtangan sa Probinsyal nga Panggamhanan ubos sa mando ni Governor Jubahib.

Dako ang kalipay ni Engr. Co sa dakong legasiya nga iyang mabilin human siya nakadesisyon nga muretiro na sa pagpanerbisyo karong bulan sa Disyembre.